ruh ki chitvan

He mere dhani mere piya mere pritam..mere jivan..☺☺aapke hi aagosh se bhigi hui me ab apne aapko dham darvaje ke andar aaye 28 thambho ke chauk me khade hue aapke sang mehsus kar rahi hu..💃💃mere jivan vahi lila fir se dohra do jo hm aate jate yaha baith kar aapke sang kiya karte the..vah baar baar uthan baithna aapke sang hasna bolna..aur ye pure chauk ka unhi baato me aur adhik mithe ras gholna..na jane dhani vah din hamare kaha gaye...andar aai to mano in thambho ne hi raas ki lila ki bhaanti mujhe gher liya💃💃💃💃..aur me ghum ghum ke har ek thambh ko nihaar rahi jisme sirf aur sirf mere pritam aap hi dikhaai de rahe the...
-
Mere dhani veise to ginti ka yaha dham me kya kaam par agar karu to bhi 2+8=10, 1+0=1 aakhir me ek aap hi nikal kar aate ho..yahi to vahedat hai..yahi to nisbat hai jiski hme sudh nahi thi jo ab aapne hi krvaai hai...har ek thambh mano jaise aapne singaar saja hai vaise hi saje hue hai💞💞..aur me bas un thabho ki ek ek shobha me apne aap ko duboye jaa rahi hu...kitni madhur aur mithi aavaje hai in thambho ki jo aapke jaise hi mithi mithi baate kr rahe hai aur mujhe keh rahe hai ki mere dulhin yahi ruk jaao jara dekh lu tumhe me ji bhar ke..ya sunte hi me bas baith gai us thambh se lipat kar..bas yah pal yah yahi ruk jaaye aur dil bas thaher sa jaaye ki ab kahi jana nahi...😭😭😭😭😭